Hotellər ən çox gəliri nədən əldə edir?

2026-cı ilin yanvar-mart ayları ərzində Azərbaycanda mehmanxana (hotel) və mehmanxana tipli obyektlərin gəlirləri 128 milyon 717 min manat olub.   

Hakimiyyet.az Valyuta.az-a istinadən xəbər verir ki, bu gəlirin ən çox hissəsi nömrələrin satılmasının payına düşüb. Belə ki, nömrələrin satışından əldə olunan gəlir 74 milyon 949 min manat olub.  

Bundan başqa, hotellərin iaşə xidmətlərindən əldə olunan gəlir 35 milyon 89 min manat, müalicə-sağlamlıq xarakterli xidmətlərdən əldə olunan gəlir 4 milyon 838 min manat, digər gəlirlər 12 milyon 521 min manat təşkil edib.