Demokrat.az saytından alınan məlumata görə, ain.az bildirir.
Müasir həyat tərzi ilə birlikdə insanların qidalanma vərdişləri də köklü surətdə dəyişir. Hazır və emal olunmuş qidaların gündəlik menyuda geniş yer alması isə duz istehlakının kəskin artmasına yol açır. Həkimlər xəbərdarlıq edir ki, normadan artıq duz qəbulu dad balansını pozmaqla qalmır, həm də daxili orqanları sıradan çıxarır.Demokrat.az xəbər verir ki, həddindən artıq duz qəbulu ilk növbədə ürək-damar sistemi və böyrəklərə zərbə vurur. Qan təzyiqinin vaxtaşırı yüksəlməsi, ayaqlarda və üzdə yaranan şişkinlik bədəndə duz miqdarının aşırı dərəcədə çox olmasının ilkin əlamətləridir. Ümumdünya Səhiyyə Təşkilatı gündəlik duz normasının təxminən 5 qram, yəni bir çay qaşığı həcmində olmasını tövsiyə edir. Lakin hazırda bir çox insan fərqinə varmadan bu normanı bir neçə dəfə üstələyir.Daxili xəstəliklər üzrə mütəxəssis Emine Dündar bildirib ki, həddindən artıq duz bədəndə natriumun toplanmasına səbəb olur. Natrium suyu saxladığı üçün toxumalarda maye yığılması yaranır və nəticədə ödem əmələ gəlir. Həkim qeyd edib ki, gün ərzində artan və xüsusilə axşam saatlarında daha aydın hiss edilən şişkinlik davamlı xarakter alarsa, bu, artıq duz qəbulunun xəbərdaredici siqnalıdır.Yeməyə əlavə olunan duzdan başqa, bir çox məhsulun tərkibində də yüksək miqdarda "gizli duz" olur. Çörək, pendir, zeytun, hazır şorbalar, souslar, tomat pastası, turşular və emal olunmuş ət məhsulları gizli natrium mənbələridir. Bu səbəbdən insanlar yeməyə duz vurmadıqlarını düşünsələr də, gün ərzində qəbul etdikləri miqdar normanı keçir. Həkimlər paketli qidaların azaldılmasını, ev yeməklərinə üstünlük verilməsini, duzun əvəzinə isə limon, sirkə, sarımsaq və müxtəlif ədviyyatlardan istifadə olunmasını məsləhət görürlər. Çünki uzun müddət yüksək duz qəbulu qan təzyiqini qaldırır, infarkt və insult riskini artırır, böyrəkləri sıradan çıxarır, sümük əriməsinə və mədə xəstəliklərinə zəmin yaradır.İsmayıl
Demokrat.az
Sonrakı hadisələr barədə daha çox məlumat almaq üçün ain.az saytını izləyin.
