Böyük Britaniyanın Baş naziri Kir Starmerin istefa verərək vəzifəsini Mançester meri Endi Börnhama təhvil verə biləcəyi iddia olunur.
“İki sahil” xəbər verir ki, bu barədə “The Telegraph” qəzeti məlumat yayıb.
Nəşrin yazdığına görə, əgər Börnham Makerfild üzrə keçiriləcək əlavə seçkilərdə qalib gələrsə, Starmer istefa məsələsini nəzərdən keçirə bilər.
Qəzetin iddiasına görə, Leyborist Partiyasının aparıcı simalarından Angela Rayner və Ed Miliband, Börnham parlamentə üzv seçilərək partiya liderliyinə namizəd olacağı təqdirdə, onu dəstəkləməyə hazırdırlar.
