Müğənni Nura Suri bələdiyyənin xidmətindən xidmətindən narazıdır.
Pravda.az xəbər verir ki, o, bu barədə sosial şəbəkə hesabında bildirib.
N.Suri əmlak vergisi ödəsə də qarşılığında xidmət görmədiyini qeyd edib: “Bələdiyyəyə 198.1.1-ci maddəsinə əsasən əmlak vergisi ödəyirəm. Bütün yeni tikilidə mənzil sahibləri əmlak vergisi ödəyir. Bu gün maraqlandım ki, bəs bu pulu niyə ödəyirik? Bələdiyyənin öhdəliyi nədir? Cavab: Bu pul yerli bələdiyyənin büdcəsinə gedir. Ərazi üzrə abadlıq, işıqlandırma, yerli xidmətlər və digər bələdiyyə xərcləri üçün nəzərdə tutulur. Hələ indiyə kimi bələdiyyənin üzünü görməmişik. Hansı abadlıq işləri apardığından da xəbərsizik”.
Tarix: 18 May 2026, 22:03
