Metbuat.az xəbər verir ki, bu barədə Türkiyə mediası məlumat yayıb. Bildirilib ki, Super Liqa təmsilçisi İstanbul klubunun müdafiəçisi Viktor Nelsson və gənc futbolçu Kazımcan Karataşı heyətinə qatmaq istəyir. Qeyd edək ki, hər iki oyunçu cari mövsümdə icarə əsasında başqa klublarda çıxış edib. Nelsson mövsümü İtaliyanın “Hellas Verona” komandasında keçirib, Kazımcan Karataş isə “Başakşehir”də forma geyinib. Mənbələr futbolçuların da mümkün transfer variantına müsbət yanaşdıqlarını iddia edir. Məlumata əsasən, “Samsunspor” rəhbərliyi yaxın günlərdə “Qalatasaray”la rəsmi danışıqlara başlamağı planlaşdırır.
Qeyd edək ki, “Samsunspor” son mövsümlərdə iddialı transfer siyasəti ilə diqqət çəkir və komanda yeni mövsümdə daha güclü heyət qurmağa çalışır.
