ÇL-in Liqa mərhələsinə vəsiqə qazanmış 29 klub bəllidir – ARENA.AZ

2026/2027-ci illər mövsümü üçün UEFA Çempionlar Liqasının (ÇL) əsas mərhələsinə birbaşa vəsiqə qazanmış 29 komandanın hamısı bəlli olub.

Arena.az xəbər verir ki, bu, İtaliya A Seriyasında 2025/2026-cı illər mövsümünün sonuncu – 38-ci turunun oyunlarından sonra dəqiqləşib.

Son olaraq “Roma” və “Komo” komandaları ÇL-in Liqa mərhələsində iştirak hüququ əldə ediblər.

UEFA Çempionlar Liqasının əsas mərhələsinə vəsiqə qazanmış 29 klubun siyahısında aşağıdakı komandalar yer alıblar:

İspaniya: “Barselona”, “Real”, “Vilyarreal”, “Atletiko”, “Betis”;

İngiltərə: “Arsenal”, “Mançester Siti”, “Mançester Yunayted”, “Aston Villa”, “Liverpul”;

Almaniya: “Bayern”, “Borussiya” (Dortmund), “Leypsiq”, “Ştutqart”;

İtaliya: “İnter”, “Napoli”, “Roma”, “Komo”;

Fransa: PSJ, “Lans”, “Lill”;

Portuqaliya: “Sportinq”, “Portu”;

Niderland: PSV, “Feyenoord”;

Türkiyə: “Qalatasaray”;

Ukrayna: “Şaxtyor” (Donetsk);

Çexiya: “Slaviya” (Praqa);

Belçika: “Brügge”.

Xatırladaq ki, ÇL-in 2026/2027-ci illər mövsümündə son 7 vəsiqənin sahibi avqustun sonunda təsnifat mərhələsinin oyunlarından sonra bəlli olacaq.