ain.az xəbər verir, Yeniavaz saytına əsaslanaraq.
Ermənistanın ikinci prezidenti və baş nazirliyə namizəd Robert Köçəryan ölkədə yaranmış vəziyyəti “geosiyasi zəlzələ” ilə müqayisə edib.
Yeniavaz.com xəbər verir ki, o, bu barədə “Ermənistan” blokunun nümayəndələri ilə birlikdə Spitak sakinləri ilə görüş zamanı danışıb.
Köçəryan bildirib ki, ölkənin gələcəyi baxımından həlledici mərhələ yaşanır və mövcud kurs dəyişməsə, Ermənistan ciddi problemlərlə üzləşə bilər.
“Əgər indi hər şeyi dəyişməsək, ölkə ciddi problemlərlə üzləşəcək. Xəbərdarlıq əlamətləri artıq mövcuddur. Deyəsən, hər şey geosiyasi zəlzələyə doğru gedir”, – deyə siyasətçi bildirib.
Keçmiş prezident çıxışı zamanı öz hakimiyyəti dövründə Ermənistanın hərbi mövqelərinin daha güclü olduğunu iddia edib. O, həmin illərdə Azərbaycan tərəfinin cəbhə xəttində fəallıq göstərmədiyini və bunun səbəbinin mümkün sərt cavab qorxusu olduğunu söyləyib.
Köçəryan, həmçinin hazırkı Baş nazir Nikol Pashinyan hökumətini tənqid edərək, Qarabağda silahların itirilməsi və müdafiə siyasətində yanlış qərarlar verilməsi ilə bağlı ittihamlar səsləndirib. O, Paşinyan hakimiyyətinin orduda effektiv islahatlar aparmadığını, pilotsuz uçuş aparatları sahəsində gecikdiyini iddia edib.
Görüş zamanı iştirakçılardan biri Köçəryana niyə onun hakimiyyəti dövründə dronların alınmadığı barədə sual ünvanlayıb. Köçəryan cavabında pilotsuz texnologiyaların geniş tətbiqinin onun prezidentlik dövründən sonra başladığını bildirib və hazırkı hakimiyyəti bu sahədə addımlar atmamaqda ittiham edib.
Sonrakı hadisələr barədə daha çox məlumat almaq üçün ain.az saytını izləyin.
