ain.az bildirir, Modern.az portalına istinadən.
Rusiyanın hakimiyyət orqanları Ermənistanda yaşayan baş nazir Nikol Paşinyanın yenidən seçilməsinin qarşısını almaq məqsədilə Rusiyada yaşayan ermənilərin Ermənistana göndərilməsi planı üzərində işləyir.
Modern.az xəbər verir ki, bu barədə Reuters agentliyinə məlumatlı mənbələr bildiriblər.
Mənbələrin sözlərinə görə, may ayının ortalarına qədər Kreml Rusiyanın hər regionu üzrə Ermənistana göndəriləcək ermənilərlə bağlı plan müəyyən edib və icra vəziyyəti barədə hesabat tələb edib. Hesablamalara əsasən, 100 min nəfərin daşınması üçün təxminən 50 milyon dollar tələb olunur. Bildirilir ki, bu qərar Ermənistan vətəndaşlarının xaricdən səsverməsinin qadağan olunması səbəbindən qəbul edilib.
Qərb kəşfiyyat dairələrində Rusiyanın Ermənistana nə qədər insan göndərə biləcəyi ilə bağlı fərqli qiymətləndirmələr mövcuddur. Reuters-ə danışan yüksəkvəzifəli ABŞ rəsmisi qeyd edib ki, ermənilər hər gün onlarla aviareys vasitəsilə iki ölkə arasında mütəmadi hərəkət edirlər.
Agentliyin məlumatına görə, Moskva bununla yanaşı internetdə Paşinyan hökumətinə qarşı dezinformasiya və nüfuzdan salma kampaniyasını da gücləndirib. Bu fəaliyyətə Qərbdə saxta məlumatların yayılması ilə tanınan və əvvəllər ABŞ seçkilərinə təsir göstərməyə çalışdığı bildirilən “Storm-1516” təbliğat qrupunun da cəlb olunduğu iddia edilir.
Sonrakı hadisələr barədə daha çox məlumat almaq üçün ain.az saytını izləyin.
