Bu gecə Azərbaycanın minifutbol millisi Slovakiyada keçirilən Avropa çempionatında 1/4 final oyununa çıxıb.
QOL.az xəbər verir ki, Elşad Quliyevin baş məşqçisi olduğu komanda Çexiya ilə qarşılaşıb.
"Tipos Arena"da keçirilən görüş Azərbaycan millisinin 5:2 hesablı qələbəsi ilə başa çatıb. Yığmamızın qollarını Eşqin Tağıyev (2), Təmkin Xəlilzadə, Ramiz Çovdarov və Məhəmməd Xəlilov vurub.
Azərbaycan millisi yarımfinalda Serbiya ilə qarşılaşacaq.
Xatırladaq ki, Azərbaycan millisi 1/8 finalda Qazaxıstan yığmasına qalib gəlib - 3:2. Komanda F qrupunda Avstriya (1:0), İtaliya (3:0) və Fransanı (3:2) məğlub edib.
