Bakı, 20 avqust, AZƏRTAC
Nikaraqua hökuməti avqustun 19-da 1500 QHT-nin bağlanmasına göstəriş verib.
AZƏRTAC rəsmi “La Gaceta” nəşrinə istinadla xəbər verir ki, kütləvi bağlanmaya səbəb QHT-lərin maliyyə hesabatını təqdim etməməsidir. Bəzi QHT-lər maliyyə hesabatını sonuncu dəfə 35 il əvvəl təqdim edib. Onların əmlakı dövlət nəfinə müsadirə olunacaq.
Fəaliyyətinə xitam verilən təşkilatların əksəriyyəti dini yönümlüdür.
