Neftçala rayonunda “Hüquqi dövlət quruculuğunda Heydər Əliyev irsi” mövzusunda dəyirmi masa ətrafında görüş keçirilib.
“Qafqazinfo” xəbər verir ki, görüşdə Neftçala Rayon İcra Hakimiyyətinin başçısı Mirhəsən Seyidov, RİH-in məsul şəxsləri, Yeni Azərbaycan Partiyası Neftçala rayon təşkilatının, hüquq-mühafizə orqanlarının rəhbərləri və əməkdaşları, idarə, müəssisə və təşkilatların rəhbərləri iştirak edib.
Çıxış edən Neftçala RİH-in başçısı Mirhəsən Seyidov Azərbaycanda hüquqi dövlət quruculuğunun ümummilli lider Heydər Əliyevin adı ilə bağlı olması haqqında geniş məlumat verib.
Ümummilli liderin müəllifi olduğu və 1995-ci il noyabrın 12-də Azərbaycanın tarixində ilk dəfə olaraq ümumxalq səsverməsi yolu ilə qəbul edilən müstəqil dövlətimizin konstitusiyasında insan, vətəndaş hüquq və azadlıqlarının təmin edilməsi dövlətimizin ali məqsədi kimi bəyan olunması diqqətə çatdırılıb.
