"Gəncə"dən yeni transfer

"Gəncə" basketbol klubu yeni transferini reallaşdırıb. Matc.az xəbər verir ki, bu barədə klubun mətbuat xidməti məlumat yayıb. Bildirilib ki, Azər Əzimovla 1 illik anlaşma imzalanıb. 195 sm boya malik 20 yaşlı basketbolçu müdafiəçi mövqeyində oynayır. Ötən mövsümü "Sərhədçi"də keçirən oyunçu Azərbaycanın U-20 yığmasına da dəvət alıb. Azər Əzimov Gəncə təmsilçisində 7 nömrəli formanı geyinəcək.