“Neftçi”nin yeni baş məşqçisi bəlli olub.
Sportnet.az xəbər verir ki, "ağ-qaralar" Samir Abasovla anlaşıb. Mütəxəssis artıq "Sumqayıt"la vidalaşıb.
Yeni baş məşqçi ilə 2.5 illik müqavilə imzalanacaq. Paytaxt təmsilçisinin təyinatı bu gün açıqlayacağı gözlənilir.
Qeyd edək ki, Abasov daha əvvəl 2020-ci ilin noyabrından 2022-ci ilin iyununadək “Neftçi”nin baş məşqçisi olub. O, uzun fasilədən sonra paytaxt klubunu çempion etmiş, digər mövsümdə gümüş medal qazanmışdı.
