Azərbaycanın qadın cüdoçulardan ibarət milli komandası oktyabrın 14-də İspaniyanın Malaqa şəhərində start götürən olimpiya təlim-məşq toplanışına qatılıb.
Sportnet.az xəbər verir ki, Avropa Cüdo Birliyinin təşkilatçılığı ilə 6 gün davam edəcək hazırlıq prosesində yığmanın 7 üzvü iştirak edir.
Cüdoçular qadınlardan ibarət milli komandanın baş məşqçisi Rəşad Məmmədovun rəhbərliyi altında hazırlaşırlar.
Təlim-məşq toplanışı noyabrın 15-17-də Polşanın Pila şəhərində keçiriləcək U-23 Avropa çempionatına hazırlıq məqsədi daşıyır.
