Ötən gecə “Avro-2024”ün seçmə mərhələsinə yekun vurulub.
Modern.az xəbər verir ki, son gündə B, D və İ qruplarında 10-cu turun oyunları keçirilib.
D qrupunda yer alan Xorvatiya Ermənistana qalib gələrək “Avro-2024”ə vəsiqəni təmin edib. Türkiyə millisi ilə Uelslə heç-heçə edib.
Beləliklə, Xorvatiya, Fransa, Belçika, Portuqaliya, İspaniya, Şotlandiya, Türkiyə, Avstriya, İngiltərə, Macarıstan, Slovakiya, Albaniya, Danimarka, Niderland, İsveçrə, Rumıniya, Serbiya, İtaliya, Çexiya Sloveniya, eləcə də turnirin təşkilatçısı kimi Almaniya “Avro 2024”ə vəsiqə qazanıb.
Daha dörd iştirakçı pley-offun nəticələrinə əsasən müəyyənləşəcək.
Qeyd edək ki, “Avro-2024” iyunun 14-dən iyulun 14-dək Almaniyada keçiriləcək.
21 noyabr
Avro-2024, seçmə mərhələ, 10-cu tur
B qrupu
Cəbəllütariq - Niderland - 0:6
Yunanıstan - Fransa - 2:2
Xal durumu: Fransa – 22, Niderland – 18, Yunanıstan – 13, İrlandiya – 6, Cəbəllütariq – 0.
D qrupu
Xorvatiya - Ermənistan - 1:0
Uels - Türkiyə - 1:1
Xal durumu: Türkiyə – 17, Xorvatiya – 16, Uels – 12, Ermənistan – 8, Latviya - 3.
İ qrupu
Andorra - İsrail - 0:2
Kosovo - Belarus - 0:1
Rumıniya - İsveçrə - 1:0
Xal durumu: Rumıniya – 22, İsveçrə - 17, İsrail – 15, Belarus – 12, Kosova – 11, Andorra – 2.
