Ukraynaya yardım üzrə təmas qrupunun Almaniyada keçiriləcək iclasından əvvəl Amerika nümayəndə heyəti Kiyevə gedib.
Sfera.az xarici KİV-ə istinadən xəbər verir ki, nümayəndə heyətinə ABŞ Milli Təhlükəsizlik Şurasının Ukrayna üzrə direktoru Uinfild Svanton başçılıq edib.
Bildirilib ki, görüşün əsas mövzularından biri ABŞ-nin 2024-cü ildə Ukraynaya göstərdiyi yardımın nəticələrinin müzakirəsi, həmçinin 2025-ci il üçün müdafiə nazirlikləri arasında əməkdaşlığın planlaşdırılması olub.
2025-ci ildə Ukrayna üçün prioritet vəzifələr, o cümlədən cəbhə boyu Müdafiə Qüvvələrinin gücləndirilməsi, bölmələrin döyüş hazırlığının yüksəldilməsi, Ukrayna hava məkanının mühafizəsinin gücləndirilməsi və müdafiə sənayesinin inkişafı müəyyən edilib.
Qeyd edək ki, Ramştayn formatında növbəti görüş yanvarın 9-na planlaşdırılıb. Görüşdə ABŞ-nin müdafiə naziri Lloyd Ostin iştirak edəcək.
