ABŞ prezidenti Donald Tramp Azərbaycan prezidenti İlham Əliyevə məktub göndərib.
Əliyevi və Azərbaycan xalqını bu yaxınlarda Novruz bayramı münasibətilə təbrik edən Tramp deyib ki, o, “gələcək illərdə edə biləcəyimiz böyük işləri səbirsizliklə gözləyir”.
"Ölkələrimiz sürətlə uğura doğru irəlilədikcə sizinlə işləməyi səbirsizliklə gözləyirəm. "ABŞ Azərbaycanın suverenliyi, müstəqilliyi və ərazi bütövlüyünün güclü tərəfdarı olaraq qalır", - Tramp vurğulayıb.
ABŞ prezidenti həmçinin Azərbaycanın İsrailə dəstəyini və dostluğunu yüksək qiymətləndirdiyini, Azərbaycan və Ermənistanın regionda sülhün bərqərar olması istiqamətində atdığı addımları alqışladığını bildirib.
