Rusiya Ali Məhkəməsi baş prokurorun “Taliban” hərəkatının fəaliyyətinə qoyulan qadağanın dayandırılması ilə bağlı vəsatətini təmin edib.
Yeniavaz.com TASS-a istinadən xəbər verir ki, qərar dərhal qüvvəyə minir, yəni “Taliban” terror təşkilatları siyahısından çıxarılacaq.
Ali Məhkəmənin iclası bağlı qapılar arxasında keçirilib.
Qeyd edək ki, 2021-ci ildə Əfqanıstanda hakimiyyətə gələn “Taliban” hərəkatı BMT Təhlükəsizlik Şurasının müvafiq siyahıya daxil etməsindən sonra 2003-cü ildə Rusiyada terror təşkilatı kimi tanınıb.