18 aprel - Beynəlxalq Abidələr və Tarixi Yerlər Günü münasibətilə Azərbaycan Mədəniyyət Nazirliyi açıq qapı günü elan edir.
Bu gün idarənin tabeliyində olan muzeylərə və tarix-mədəniyyət qoruqlarına giriş pulsuzdur.
Xatırladaq ki, 1983-cü ildə Abidələr və Tarixi Yerlər üzrə Beynəlxalq Şuranın (ICOMOS) Assambleyasının təşəbbüsü ilə YUNESKO-nun Mədəni İrs Mərkəzi aprelin 18-ni Beynəlxalq Abidələr və Tarixi Yerlər Günü elan edib.
Bayramın məqsədi dünya mədəni irsinin qorunması və saxlanması məsələlərinə diqqəti cəlb etməkdir.
