“Qafqazinfo”nun məlumatına görə, Gəncə Ağır Cinayətlər Məhkəməsinin hakimi Abdulla Məmmədovun sədrliyi ilə keçirilən iclasda prokuror ittiham aktını elan edib.
Terrorçuluq, odlu silah qaçaqmalçılığı, qanunsuz sərhəd keçmə, zor tətbiq etməklə milli düşmənçiliyin salınmasına aşkar surətdə yönələn hərəkətlər etmə və başqa xüsusilə ağır cinayətlər törətməkdə ittiham olunan diversant özünü təqsirli bilmədiyini deyib. O, nə baş verdiyini tam xatırlamadığını əlavə edib.
Hakim bildirib ki, təqsirləndirilən şəxsin ittiham olunduğu maddələrin sanksiya həddi ömürlük azadlıqdan məhrumetmə cəzasına qədərdir.
Xatırladaq ki, bu ilin avqustunda Ermənistan silahlı qüvvələrinin kəşfiyyat-diversiya qrupu terror-təxribat əməliyyatları həyata keçirmək məqsədilə Ordumuzun Kəlbəcər rayonu İstisu yaşayış məntəqəsi istiqamətində yerləşən döyüş mövqelərinin arasındakı boşluqlardan istifadə edərək Azərbaycan ərazisinə sızmağa cəhd edib. Bölmələrimizin sayıqlığı nəticəsində atəş vasitələrimizin dəstəyi ilə erməni hərbçilərin təxribatının qarşısı alınıb. Diversiya qrupunun bir üzvü yaralanmış vəziyyətdə hərbi qulluqçularımız tərəfindən saxlanılıb. Qrupun digər üzvləri geri çəkilməyə məcbur edilib.
5Источники
-
sabah.azAzərbaycan sərhədində niyə 20 km tıxac yaranıb? - Video ( 1713152)
-
demokrat.az“Nə baş verdiyini xatırlamıram” — Kəlbəcərdə saxlanılan erməni diversant ( 1711130)
-
qafqazinfo.az“Nə baş verdiyini xatırlamıram” ( 1709894)
-
sabah.az“Mənə yazığınız gəlsin” - Erməni diversant+Yenilənib ( 1589585)
-
manset.azKəlbəcərdə saxlanılan erməni diversantın məhkəməsi başladı - YENİLƏNİR ( 1587044)
