Yəmənin “Ənsar Allah” hərəkatının üzvləri hipersonik ballistik raketdən istifadə edərək Tel-Əvivdəki Ben Qurion hava limanına hücum edib və nəticədə hava limanında əməliyyatlar dayandırılıb.
APA xəbər verir ki, bu açıqlama ilə qiyamçıların silahlı qüvvələrinin sözçüsü Yəhya Saria çıxış edib.
"Raket qüvvələrimiz hərbi əməliyyat keçirib. Bu zaman onlar Fələstin-2 hipersəs ballistik raketindən istifadə edərək Lod hava limanını (Ben Qurion) vurublar", - o, “Al-Məsirah” telekanalında deyib.
