Bir çox ulduz dünya şöhrəti ilə yanaşı, həm də böyük var-dövlətə malik oldu. Hər kəs də onların övladlarının gələcəkdə yaxşı mirasla mükafatlanacağını düşündü. Amma heç də bütün məşhurlar mülklərini övladlarına buraxmaq istəmir.
Hafta.az-ın yazdığına görə, bəzi məşhurlar övladlarına miras qoymaqdan şüurlu şəkildə imtina edir, bunu onları müstəqil və çalışqan böyütmək istəyi ilə izah edirlər. Bəziləri şəxsi fikir ayrılıqlarına görə miras buraxmaq istəmir, bəziləri isə ömrü boyu qazandıqları bütün pulları xeyriyyə işlərinə sərf etməyi planlaşdırır. Bu yazıda övladlarını mirassız qoymağa qərar verən aktyorların hekayələrinə baxacaq və niyə belə etdiklərini anlamağa çalışacağıq.
Kirk Duqlas
“Spartak” filminin ulduzu 2020-ci ildə 103 yaşında vəfat edib. O vəfat edəndə şəxsi sərvəti təxminən 61 milyon dollar qiymətləndirilirdi. Aktyor Maykl Duqlas da daxil olmaqla, övladlarına ötürmək əvəzinə, sərvətinin böyük hissəsini - təxminən 50 milyon dolları 1964-cü ildə həyat yoldaşı Ann ilə birlikdə qurduğu Duqlas Fonduna bağışladı.
Bu fond müxtəlif xeyriyyə təşkilatlarına, o cümlədən Los-Anceles Uşaq Xəstəxanasına və Müqəddəs Lourens Universitetinə dəstək verir. Daşınmaz əmlaka gəlincə, Duqlasın Beverli-Hillzdə evi var idi və o, ölümündən sonra doqquz milyon dollara satılıb.
Şon Konneri
Ceyms Bond rolu ilə tanınan Şon Konneri 2020-ci ildə vəfat edib. Onun sərvəti təxminən 350 milyon dollar qiymətləndirilir. Konneri oğlu Ceysonu mirasdan məhrum etmək niyyətini açıq şəkildə bildirmişdi. Beləliklə, o, oğluna bütün pulunu özü qazanmalı olduğu dərsi vermək istəyirdi. 2007-ci ildə aktyor açıq şəkildə 45 yaşlı oğlunun atasının maddi dəstəyindən asılı olmamasını istədiyini açıqladı.
Ceki Çan
Əfsanəvi Çin aktyoru Ceki Çanın sərvəti təxminən 400 milyon dollardır. O, həmçinin ABŞ, Avstraliya, Honq-Konq, Sinqapur və Çində bir neçə mülkə sahibdir.
Ceki Çan deyib: "Bacarsa, pulunu özü qazanacaq, bacarmasa, mənim pulumu xərcləyəcək". Qərar həm də, Cayci 2014-cü ildə qadağan olunmuş maddələrə sahib olduğuna görə həbs edildikdən sonra ata və oğul arasında yaranan gərgin münasibətlərlə bağlı olub.
Filip Seymur Hoffman
Akademiya mükafatlı aktyor Filip Seymur Hoffman 2014-cü ildə vəfat edərək geridə 35 milyon dollarlıq sərvət qoyub. Hoffmanın vəsiyyətnaməsində sərvətinin yalnız bir nəfərə - çoxdankı dostu və geyim dizayneri Marianne O'Donnellə gedəcəyi xüsusi qeyd olunub. Maraqlıdır ki, cütlüyün 3 övladı olmasına baxmayaraq, aktyor onları vəsiyyətinə daxil etməyib. Mühasibi deyir ki, Hoffman varislərinin özlərini “etimad fondunun uşaqları” kimi hiss etmələrini istəməyib.
Daniel Kreyq
Uşaqlarını mirasdan məhrum etməyə qərar verən başqa bir Ceyms Bond ulduzu Daniel Kreyqdir. Onun sərvəti 160 milyon dollar qiymətləndirilir. Bundan əlavə, Kreyq və həyat yoldaşı, aktrisa Raçel Ueyz Londonda bir ev, Nyu Yorkda penthaus və Bruklində bir mənzil də daxil olmaqla bir neçə mülkə sahibdirlər.
Aktyor miras qoyub getməyi “iyrənc” hesab edir, var-dövlətini sağlığında xərcləməyi və ya xeyriyyəçiliyə sərf etməyi planlaşdırır.
