Netflix-də səssizcə yayımlanan Braziliya trilleri “O Lado Bom de ser Traída” qısa zamanda tamaşaçılarda böyük marağa səbəb oldu. Sue Heckerin eyniadlı romanından uyğunlaşdırılan film, cəsarətli səhnələri və cəlbedici sürəti ilə diqqəti cəlb edir, eyni zamanda “Rotten Tomatoes” icmal saytındakı 87 faiz tamaşaçı balı ilə seçilir.
Hafta.az-ın “Mirror”a istinadən yazdığına görə, ən çox satılan romandan uyğunlaşdırılmış hekayədə Covanna Lançelottinin canlandırdığı mühasib Babi nişanlısının xəyanətini evlənməyə az qalmış öyrənir. Lakin bu xəyanət Babini daxili oyanış yaşamağa vadar edir və onun əvvəllər heç vaxt yaşamadığı istəkləri ilə üzləşir. Filmin rəsmi konspektində deyilir ki, bu transformasiya “təhlükəli nəticələrə səbəb ola bilər”. Bəzi izləyicilər filmi "təxribatçı, lakin təsirli" hesab etsə də, bəziləri həddindən artıq seksuallıq və çılpaqlıq səhnələri ilə narahat olub. “Mirror”un məlumatına görə, filmi sosial mediada izləyənlərin şərhləri kifayət qədər qarışıq olub.
Bir tamaşaçı "80 faiz seks, cəmi 9 faiz süjet" deyib, digəri isə "Film zibildir, amma içində seks var. Məncə, bu, indi Netflix-də bir janrdır" şərhini yazıb.
Cavabında başqa bir izləyici filmi müdafiə edərək "Sadəcə iki nəfər motosiklet sürərək cinsi əlaqədə olur. Mən 5 dəfə baxdım" yazıb.
Bəzi şərhçilər hekayənin inandırıcılıqdan uzaq olduğunu bildirsələr də, digərləri filmin vizuallığını və davam edə biləcək bir hekayəni ehtiva etməsini təriflədilər.
İstifadəçilərdən biri "Gözəl obrazlar, gözəl aktyorlar. Tənqidçilər əgər tənqid edirsə, deməli, baxmağa dəyər" deyərək filmin estetikasını vurğulayır.
“Depois do Universo” filmindəki işi ilə tanınan Dieqo Freytasın rejissoru olduğu filmdə Leandro Lima və Adriana Fonseka ilə birlikdə Covanna Lançelotti çəkilib.
