Amerikanın xarici yayım mediasının maliyyələşdirilməsinə cavabdeh olan ABŞ Qlobal Media Agentliyi (USAGM) “Azadlıq” radiosunun rus xidmətini yayımlayan peyk xidməti ilə müqaviləni yeniləməyib. Media korporasiyasının cümə axşamı, iyunun 12-də verdiyi məlumata görə, nəticədə "Azadlıq" radiosunun Eutelsat Hotbird 13G peykində 24 saatlıq yayımı dayandırılıb.Bu barədə Oxuməni.az “Deutsche Welle”yə istinadla xəbər verir.
“Azadlıq Radiosu”nun proqramları və xəbər buraxılışları hələ də “Svoboda.org” saytında, eləcə də “Radio Liberty Live” YouTube kanalında 24 saat mövcuddur.
Bu arada, Vaşinqtonun Federal Dairə Məhkəməsində “Azad Avropa/Azadlıq Radiosu”nun (Azadlıq Radiosu) maliyyə işi ilə bağlı dinləmələr davam edir. Media korporasiyası USAGM-dən ABŞ Konqresi tərəfindən 2025-ci maliyyə ili üçün artıq ayrılmış təxminən 62 milyon dolların transferini istəyir.
Mayın sonunda məhkəmə artıq USAGM-ə may ayı üçün vəsaiti “Azadlıq Radiosu”na köçürməyi məcbur etdi. Bu, artıq USAGM-ə qarşı iddiada üçüncü təmin edilmiş vəsatətdir.
Almaz Həsənli
