Naxçıvan Muxtar Respublikasının Dini Qurumlarla İş üzrə Dövlət Agentliyi tərəfindən 688 min manatlıq avtomobil alınması üçün elan olunan tender baş tutmayıb.
AzPost xəbər verir ki, tenderin ləğv edilməsinə səbəb olaraq satınalmada iştirak etmək üçün müvafiq təklif və təklifin təminatını təqdim etmiş, tələb olunan lisenziya və icazələrə malik təchizatçıların sayının üçdən az olması göstərilib.
Qeyd edək ki, qurum ümumilikdə 687 min 940 manat dəyərində su, məişət tullantıları və sərnişin daşınması üçün nəzərdə tutulan üç avtomobil almağı planlaşdırırdı.
