BAKI. 14 iyun. TELEQRAF
İtaliya çempionu "Napoli" "Empoli"nin futbolçusu Luka Marianuççini transfer edib.
Teleqraf xəbər verir ki, 21 yaşlı müdafiəçi ilə müqavilə iyulun 1-dən qüvvəyə minəcək.
Onunla 5 illik sözləşmə əldə olunub.
Ötən mövsüm Marianuççi A Seriyasında 18, İtaliya Kubokunda 6 oyun keçirib və 2 məhsuldar ötürmə ilə yadda qalıb. "Empoli" isə uğursuz çıxış edərək, B Seriyasına enib.
Qeyd edək ki, "Napoli" 82 xalla İtaliya çempionu olub. Neapol komandası Çempionlar Liqasında mübarizə aparacaq.
