Azertag portalından əldə olunan məlumata əsasən, ain.az xəbər verir.
Qahirə, 15 iyun, AZƏRTAC
İraq qonşu ölkələrə qarşı təcavüz meydanı olmaq istəmir.
AZƏRTAC xəbər verir ki, bunu İraqın milli təhlükəsizlik müşaviri Qasim əl-Araci İranın Bağdaddakı səfiri Məhəmməd Kazım əl-Sadiqi ilə görüşündə bildirib.
Regionda son gərginliyin yaratdığı təhlükələrin nəzərdən keçirildiyi görüşdə İraq nümayəndəsi ölkəsinin mövqeyini vurğulayıb, eləcə də İraq ərazisinin hər hansı bir ölkə tərəfindən qonşu ölkələrə, o cümlədən İrana qarşı istifadə edilməsinin mümkün olmadığını diqqətə çatdırıb.
Bundan başqa, iraqlı müşavir ölkələrin və xalqların təhlükəsizliyinin və sabitliyinin qorunması üçün bölgədə gərginliyin azaldılmasının zəruriliyini vurğulayıb.
Şıxəli Əliyev
AZƏRTAC-ın xüsusi müxbiri
Qahirə
Ən son xəbərləri və yenilikləri almaq üçün ain.az saytını izləyin.
