İsrail Müdafiə Qüvvələri (IDF) Tehranda İranın nüvə silahı layihəsinin infrastruktur obyektlərinə və yanacaq tankerlərinə geniş zərbələr seriyasını tamamladı.
Publika.az xəbər verir ki, bu barədə IDF-yə məxsus "Telegram" kanalı məlumat yayıb.
"Qısa bir müddət əvvəl İsrail Hava Qüvvələri İran rejiminin nüvə silahı layihəsi ilə bağlı Tehranda bir sıra hədəflərə kəşfiyyata əsaslanan geniş silsilə zərbələr endirib. Hədəflər arasında İran Müdafiə Nazirliyinin qərargahı, Müdafiə İnnovasiya və Tədqiqatlar Təşkilatının (SPND) nüvə layihəsinin qərargahı və İran rejiminin nüvə silahı əldə etmək səylərini inkişaf etdirən və İran rejiminin nüvə arxivini gizlətdiyi əlavə hədəflər olub", - məlumatda deyilir.
