ABŞ prezidenti Donald Tramp Kanadada keçirilən G7 sammiti çərçivəsində Ukrayna prezidenti Vladimir Zelenski ilə danışıqlar aparmağı planlaşdırır.
Modern.az xəbər verir ki, bu barədə ABŞ prezidentinin mətbuat xidmətinin məlumatında bildirilib.
Tramp Ukrayna prezidenti ilə yanaşı, Kanadanın baş naziri Mark Karni və Meksika prezidenti Klaudiya Şeynbaumla da görüşməyi planlaşdırır.
ABŞ, Kanada, Böyük Britaniya, Almaniya, Fransa, İtaliya və Yaponiyanın daxil olduğu G7 sammiti iyunun 15-dən 17-dək Kanadanın Alberta ştatının Kananaskis kurort zonasında keçirilir. Tramp daha əvvəl tədbirdə iştirak etmək üçün Kanadaya gəlmişdi.
