İsraildə hazırda təxminən 40 min xarici turist qalmaqdadır.
NOCOMMENT.az xəbər verir ki, bu barədə İsrail Turizm Nazirliyinin mətbuat xidməti məlumat yayıb.
Bildirilir ki, İranla gərginliyin artmasından sonra İsrail digər ölkələrlə hava əlaqəsini müvəqqəti olaraq dayandırıb. Bu səbəbdən ölkədə olan xarici vətəndaşların bir qismi geri dönə bilmir.
Turizm naziri Haim Katsın rəhbərliyi ilə nazirlik hotel və yerləşdirmə xidmətləri göstərən qurumlarla əməkdaşlıq edərək, ehtiyacı olan turistlərə yardım göstərmək məqsədilə koordinasiyalı iş aparır.
Bundan əlavə, İsrail Turizm Nazirliyi 24/7 fəaliyyət göstərən virtual informasiya ofisi yaradıb. Bu platforma ingilis və ivrit dillərində turistlərə rəqəmsal xidmətlər vasitəsilə məlumat verir və operativ dəstək göstərir.
