İsrail və İran arasında davam edən gərginlik fonunda İsraildə mobil telefonlara qarşı kibertəhlükə həyata keçirildiyi bildirilir.
News24.az bildirir ki, yerli mənbələrin iddiasına görə, İsrail vətəndaşlarının mobil telefonlarına "Sığınacaqlara getməyin, hücum ola bilər" məzmunlu saxta xəbərdarlıq mesajları göndərilib.
Bu mesajların məqsədinin insanlarda panika yaratmaq və təxribata səbəb olmaq olduğu güman edilir. Hücumun məsuliyyətini hələlik heç bir qrup üzərinə götürməyib, lakin bu cür kibersabotajların arxasında İranla əlaqəli qrupların dayana biləcəyi ehtimal olunur.
