ABŞ Prezidenti Donald Tramp İranla İsrail arasında gərginliyin artdığı bir vaxtda, ölkəsinin hərbi müdaxiləsinə ehtiyac yaranmadan İranın nüvə proqramının məhv ediləcəyinə ümid etdiyini bildirib.
Bizim.Media xəbər verir ki, bu barədə CBS News telekanalının jurnalisti Jennifer Jacobs Trampın prezident təyyarəsində jurnalistlərin suallarını cavablandırarkən verdiyi açıqlamaya əsaslanaraq məlumat yayıb.
Tramp bəyan edib ki, İsrailin İrana qarşı zərbələri “eyni intensivliklə davam edir” və Tel-Əviv zərbələrin sürətini azaltmayıb.
“İsraillilər tempdən düşməyiblər. Siz bunu növbəti iki gün ərzində özünüz görəcəksiniz”, – deyə Tramp vurğulayıb.
ABŞ Prezidenti əlavə edib ki, əgər Vaşinqton birbaşa münaqişəyə cəlb olunsa belə, İranın nüvə obyektlərinin artıq o vaxta qədər sıradan çıxarılacağına inanır.
Trampın bu bəyanatı onun İranın nüvə ambisiyalarına qarşı sərt mövqeyini bir daha təsdiqləyir. ABŞ prezidenti əvvəllər də dəfələrlə bəyan etmişdi ki, İranın nüvə silahına sahib olması yolverilməzdir və bu məsələ hərbi yolla həll edilə bilər.
Jurnalist Jacobsun verdiyi məlumata görə, Tramp həmçinin Tehrandan edilən evakuasiya çağırışlarına toxunub.
ABŞ Prezidenti qeyd edib: “İstəyirəm ki, insanlar təhlükəsiz olsunlar”.
Bu açıqlama, Trampın iranlı mülki vətəndaşları mümkün hərbi eskalasiyadan qorumağa çağırdığı mənasına gəlir.
Bu bəyanat, İsrailin “Rising Lion” (Qalxan Şir) əməliyyatı çərçivəsində İrandakı nüvə və hərbi obyektlərə genişmiqyaslı zərbələr endirdiyi bir vaxtda səsləndirilib. Münaqişə dərinləşməkdədir və beynəlxalq ictimaiyyət bölgədə nüvə qarşıdurması təhlükəsindən narahatdır.
Bizim.Media
- Ночной Режим
- Домашняя страница
- Статистика
- Источники
- Рейтинг
- Погода
- Валюта
