İsrailin milli təhlükəsizlik müşaviri Tzaçi Haneqbi bu gün deyib ki, İranın “minlərlə ballistik raketi” əvvəllər düşünüldüyündən də çoxdur.
Henqbi İsrail ordusu radiosuna deyib: “Bu, İranın uzunmüddətli təhdidinə son qoyacaq müharibə deyil”.
İsrail Yayım Korporasiyasına verdiyi ayrı bir açıqlamada Haneqbi İranla müharibə məqsədlərinə çatmaq üçün İsrailin ABŞ-a ehtiyacı olmadığını bildirib və ölkəsinin İranın Fordo nüvə obyekti ilə təkbaşına məşğul ola biləcəyini vurğulayıb. İsrailin milli təhlükəsizlik müşaviri ölkəsinin hazırda İran rejimi liderlərini hədəf almağı planlaşdırmadığını və bunun İsrailin hədəfləri arasında olmadığını deyib. Məlumata görə, hərbi analitiklər İranın 1500-2000 raketinə malik olduğunu, lakin yüzlərlə raket atdığını, İsrailin isə bəzilərini vurub məhv etdiyi güman edilir.
İsrail cümə günü səhər tezdən gözlənilməz hücumla “Yüksələn Aslan” əməliyyatına başlayıb. Əməliyyat zamanı çoxlu yüksək rütbəli İran hərbi rəhbərləri öldürülüb, nüvə obyektlərinə ziyan dəyib.
İsrail əməliyyatın yaxın günlərdə intensivləşəcəyini açıqlayıb. İran buna cavab olaraq İsraili “cəhənnəmin qapılarını açacağı” ilə hədələyib.
İsrail ordusu əməliyyatın hazırkı məqsədinin İrandakı rejimi dəyişdirmək deyil, Tehranın nüvə və ballistik raket proqramlarını məhv etmək olduğunu açıqlayıb.
İsrail bəyan edib ki, İrandakı hərbi əməliyyat həftələrlə davam edə bilər.
