ain.az bildirir, Bizimyol saytına əsaslanaraq.
ABŞ-ın müdafiə naziri Pit Heqset İsrail və İran arasında gərginliyin artması zamanı ölkəsinin Yaxın Şərqdəki hərbi və diplomatik aktivlərini qoruyacağını bildirib.
Bizimyol.info xəbər verir ki, "Fox News"a danışan Hegseth: "Biz diqqətli və hər bir vəziyyətə hazırıq. Biz əvvəldən ardıcıl olaraq vətəndaşlarımızı və varlıqlarımızı qorumaq üçün bu bölgədə olduğumuzu bəyan etmişik", - deyib.
Heqset Yaxın Şərqdə yerləşdirilən hərbi və diplomatik varlıqları qoruyacaqlarını vurğulayıb. ABŞ prezidenti Donald Trampın İran və İsrail arasında sülhə ümid etməyə davam etdiyini bildirən Heqset, Trampın İranla nüvə razılaşması əldə etməyi hədəflədiyini də vurğulayıb.
Nazir Heqset: "Prezident Tramp açıq şəkildə bildirdi ki, razılaşma masadadır. Sual budur ki, İran bunu qəbul edəcəkmi?", - deyə "X" hesabında etdiyi bir yazıda Heqset Yaxın Şərq bölgəsinə "əlavə imkanların yerləşdirilməsi" əmrini verdiyini açıqlayıb.
İyunun 13-də İsrail ordusunun yüksək komandanlığı da daxil olmaqla, İranın müxtəlif şəhərlərindəki nüvə obyektlərini hədəfə alaraq irimiqyaslı hücumlara başlayıb. Hücumlarda İran Baş Qərargah rəisi, İnqilab Keşikçiləri Korpusunun komandanı və bir neçə yüksək səviyyəli komandir, eləcə də 9 nüvə alimi həlak olub, mülki vətəndaşların ümumi sayının isə 224 olduğu açıqlanıb.
İran ordusunun İsrailə ballistik raketlərlə cavab verməsi nəticəsində 24 nəfərin öldüyü, 500-dən çox insanın yaralandığı bildirilib.
Qadir, Bizimyol.info
Ən son xəbərləri və yenilikləri almaq üçün ain.az saytını izləyin.
