Əməliyyatdan iki gün sonra həyatını itirdi…
Hurriyyet.Az Ajans.az-a istinadla xəbər verir ki, vəfat edən pasientin ailəsi Bizim.Media-ya açıqlamasında Arzu Sadıqovanın ölümündə həkimi günahlandırıb. Mərhumun bacısı bildirib ki, Arzu Sadıqova iyunun 12-də abdominoplastika və liposaksiya əməliyyatı keçirib. Bir gün sonra səhhəti qəfil pisləşib və o, yenidən əməliyyata alınıb. Daha sonra xəstə komaya düşüb. Komadan ayılandan sonra güclü daxili qanaxma baş verib və həyatını itirib.
Ailənin iddiasına görə Arzu Sadıqovanın heç bir xəstəliyi olmayıb və əməliyyatdan bir gün əvvəl lazımi analizlərdən keçib.
Məsələ ilə bağlı həkim Nigar Məmmədova ilə dəfələrlə əlaqə saxlamağa çalışsaq da, “qarşı tərəfdən səhv düşmüsüz” deyə cavablar aldıq.
“Ölüm” saçan klinikanın reklam işlərini tanınmış akytor həyata keçirir…
Bu dəfə “Mərcan” klinikasına müraciət etdik. Klinikadan saytımıza az sonra əlaqə saxlanılacağı bildirildi.
Bir qədər sonra aktyor və qiraətçi kimi tanıdığımız Kamran Ağabalayev geri dönüş edib, nə ilə maraqlandığımızı sorğuladı. Məsələni qeyd edəndən sonra Kamran Ağabalayev həkimin açıqlamasını təqdim etdi.
Sonradan öyrəndik ki, Kamran Ağabalayev “Mərcan” klinikasının media və reklam işlərini həyata keçirir.
Nigar Məmmədova səhvini etiraf edib?
Baş verən hadisə ilə bağlı həkim Nigar Məmmədovanın açıqlamasında isə bunlar qeyd olunub:
“Pasientdə aparılan “qarın ağ xəttinin böyük ölçülü yırtığına görə aparılmış herinotomiya və herniplastika, həmçinin abdominaplastika“ əməliyatından sonra pasiyentimizdə, tibbdə tanınan ağırlaşma — emboliya halı müşahidə olunub. "Aparılan “qarın ağ xəttinin böyük ölçülü yırtığına görə aparılmış herinotomiya və herniplastika, həmçinin abdominaplastika“ əməliyatından sonra pasiyentimizdə, tibbdə tanınan ağırlaşma — emboliya halı müşahidə olunub. Bütün tibbi müdaxilələrə baxmayaraq, həyatını xilas etmək mümkün olmayıb.
Bu ağır itkini böyük üzüntü ilə qarşılayır, mərhumun ailəsinə və yaxınlarına dərin hüznlə başsağlığı verirəm. Əməliyyat müvafiq tibbi protokollara uyğun şəkildə icra olunub. Hadisənin dəqiq səbəbləri aparılacaq müvafiq ekspertizadan sonra tam müəyyən ediləcək. Pasiyentlərin təhlükəsizliyi və sağlamlığının qorunması bizim üçün daim prioritet məsələdir və prioritet olaraq da qalacaq”, - deyə açıqlamada qeyd olunub.
Həkim saxlanılıb?
Xüsusi Təftiş Komissiyasının müvafiq qərarları ilə sənədlərinin əsaslılığı təsdiq olunmuş “Azərbaycan Respublikasının ərazisində plastik cərrahiyyə ixtisası üzrə praktik tibb fəaliyyətinə icazə verilən həkim-mütəxəssislərin "Siyahısı”nda Nigar Məmmədovanın adı yer almayıb.
Ailədən Bizim.Media-ya bildirilib ki, “Mərcan” klinikasının ümumi cərrahı Nigar Məmmədova saxlanılıb. Amma bu məlumat rəsmi təsdiqlənməyib.
Baş verən ölüm faktı ilə bağlı Baş Prokurorluğa və Səhiyyə Nazirliyinə sorgu göndərilsə də, hələki açıqlama verilməyib.
Qurbanlar…
Qeyd edək ki, Nigar Məmmədovanın Arzu Sadıqova kimi qurbanlarının sayı çoxdur.
Bu ilin fevralında Bakı sakini Günay Məmmədovanı plastik əməliyyat edib. Buna əgər plastik əməliyyat demək olarsa…Pasiyentin bütün üz fizioloji quruluşu dəyişib, tanınmaz hala düşüb və nəfəs alması çətinləşib. Bir ay ərzində xəstəni iki dəfə əməliyyata salıblar, ona deyilmədən həyati əhəmiyyətli orqanlarına müdaxilə (qabırğama) olunub. Bu günə qədər cərrahiyə əməliyyatı yeri sağalmayıb.
“Mərcan” klinikasına gəlincə isə bu xəstəxana səsküylü ölüm halları ilə bir müddətdir ki, gündəmdədir.
2024-ci ilin dekabrında idman zalının həyətindən meyiti tapılan bloger Nərmin Bəylər qızı İsgəndərovanın "Mərcan Medicare" klinikasında əməliyyat olunduğu məlum olmuşdu.
Sözügedən klinikada ikinci eyni hadisə isə 30 yaşlı Nəzrin Mansurovanın başına gəlib.
O, yanvarın 3-də "Mərcan Medicare" klinikasında burnundan əməliyyat olunub. Daha sonra xanımın beynində fəsad yaranıb və komaya düşüb. "Liv Bona Dea Hospital"ın Reanimasiya şöbəsinə yerləşdirilən N.Mansurova süni tənəffüs aparatına qoşulub, intensiv müalicə aparılıb. Göstərilən səylərə baxmayaraq, xəstə komadan ayılmayıb və dünyasını dəyişib.
“Mərcan” klinikasının rəhbəri kimdir?
Bəzi mənbələr klinikanın keçmiş Milli Məclisin sədri Oqtay Əsədovun qızı Nərmin Əsədovaya məxsus olduğunu iddia etsələr də, bu məlumatın doğruluğu təsdiqlənməyib.
Klinikanın rəhbəri isə anestezioloq-reanimatoloq Araz Ağayevdir. 2024-cü ilin dekabrında bloqer Nərmin İsgəndərovanın ölümündən sonra Səhiyyə Nazirliyi araşdırma apararaq klinikanı cərimələmişdi.
