Ermənistanın baş naziri Nikol Paşinyan erməni polisi tərəfindən saxlanılan rusiyalı iş adamı Samvel Karapetyana məxsus "Ermənistan Elektrik Şəbəkələri" QSC-ni milliləşdirməyə hazırlaşır. Erməni baş nazir sosial şəbəkələrdə "Taşir" şirkətlər qrupunun rəhbəri Karapetyanın saxlanılması ilə bağlı post paylaşaraq bildirib ki, "Ermənistan Elektrik Şəbəkələri" QSC-nin milliləşdirilməsinin vaxtı çatıb və bu, tezliklə baş verəcək.
"Hesab edirəm ki, "Ermənistan Elektrik Şəbəkələri" QSC-nin milliləşdirilməsinin vaxtı gəlib çatıb. Bu, tezliklə baş verəcək və mən QSC-nin bütün əməkdaşlarını əmək vəzifələrini vicdanla yerinə yetirməyə çağırıram. Milliləşdirmədən sonra vicdanlılıq nəzərə alınacaq", - N.Paşinyan belə yazıb.
Mətləb Salahov
