Zelim Kotsoyev qələbə ilə başladı - DÇ

Macarıstanın paytaxtı Budapeştdə cüdo üzrə dünya çempionatı davam edir.

"Football-plus.az" xəbər verir ki, altıncı yarış günündə Azərbaycan millisinin daha bir idmançısı mübarizəyə qoşulub.

Dünya çempionatı
Kişilər
İlk mərhələdən azad olan Zelim Kotsoyev (100 kq) 1/16 finalda Cennaro Pirellini (İtaliya) məğlub edib. O, növbəti qarşılaşmasında Marat Baykamurovla (Qazaxıstan) güləşəcək.

Qeyd edək ki, dünya çempionatında millimizin heyətində hələlik Zelim Tçkayev (81 kq) və Elcan Hacıyev (90 kq) bürünc medal qazanıb.