ain.az bildirir, Bizimyol saytına əsaslanaraq.
AB Yüksək Nümayəndəsi Kaja Kallas, Rusiyanın 2025-ci ildə səhiyyə, təhsil və sosial siyasətlərdən daha çox müdafiə xərcləyəcəyini qeyd edərək: "Bu, uzunmüddətli təcavüzkarlıq üçün uzunmüddətli bir plandır", - deyib.
Bizimyol.info "AA"ya istinadən xəbər verir ki, Kallas, Avropa Parlamenti Ümumi Yığıncağında 24-25 iyunda keçiriləcək NATO zirvəsi ilə bağlı sessiyada danışdı.
Rusiyanın Avropa üçün "təhlükə yaratdığını" qeyd edən Kallas, Moskvanın 2024-cü ildə AB ölkələrinin cəmi qədər müdafiə xərcləyəcəyini bildirib.
Kallas, Rusiyanın 2025-ci ildə isə səhiyyə, təhsil və sosial siyasətə ayırdığı büdcənin cəmindən daha çox müdafiə xərcləyəcəyini ifadə edərək: "Bu, uzunmüddətli təcavüzkarlıq üçün uzunmüddətli bir plandır. Əgər istifadə etməyi planlaşdırmırsınızsa, orduya bu qədər xərcləməzdiniz", - deyib.
Avropanın "hücum altında olduğunu" və hər keçən gün dünyanın "daha təhlükəli bir hala gəldiyini" söyləyən Kallas, bu mövzuda birlikdə işləməyin vacib olduğunu qeyd edib.
Kallas, NATO zirvəsində müdafiə xərclərinin artırılması məsələsinin müzakirə ediləcəyinə toxunaraq, AB Komissiyasının Prezidenti Ursula von der Leyenin üzv ölkələrə bu xərcləri artırma çağırışında olduğunu xatırladıb.
Qadir, Bizimyol.info
Hadisənin gedişatını izləmək üçün ain.az saytında ən son yeniliklərə baxın.
