Bizimyol saytına istinadən ain.az xəbər verir.
İran ilk dəfə döyüş şəraitində iki pilləli, orta mənzilli ballistik raketini buraxıb.
Bizimyol.info xəbər verir ki, bu barədə "Tasnim" xəbər agentliyi məlumat yayıb.
İslam İnqilabı Keşikçiləri Korpusunun (SEPAH, İran silahlı qüvvələrinin elit birliyi) məlumatına görə, Tehran İsrail ərazisinə üç belə raket atıb.
SEPAH əlavə edib ki, əvvəlki əməliyyatlar İsrailin hava hücumundan müdafiə sistemini məhv etməyə nail olub. Hərbçilər, keçmişdə olduğu kimi, raket hücumlarının hədəfli və davamlı olacağını vurğulayıb.
“Sejil” iki mərhələli, orta mənzilli ballistik raketdir və maksimum 2000 kilometr məsafə qət edə bilir. İlk dəfə 2008-ci ildə sınaqdan keçirilib.
İyunun 13-nə keçən gecə İsrail İranın nüvə proqramına qarşı yönəlmiş “Rising Lion” əməliyyatına başlayıb. Aradan 24 saat keçməmiş İran cavab hücumuna keçib. Sonrakı günlərdə Təl-Əviv və Tehran yenidən biri-birinə zərbələr endirdilər. Hər iki tərəf bu hücumlar nəticəsində itkilər barədə məlumat verdi və zərərin məhdud olduğunu iddia etsələr də, ərazilərindəki bir neçə hədəfin vurulduğunu etiraf etdilər.
Qadir, Bizimyol.info
Sonrakı hadisələr barədə daha çox məlumat almaq üçün ain.az saytını izləyin.
