İsrail Müdafiə Qüvvələri (IDF) cümə axşamı səhər İranın mərkəzi hissəsində, xüsusilə Ərak və Xondab şəhərləri ətrafında yaşayanlar üçün təcili təxliyə xəbərdarlığı edib.
İsrail ordusunun fars dilli kanalında yayımlanan açıqlamaya görə, İsrail ordusu İranda hərbi əməliyyatları davam etdirir və İran rejiminin hərbi infrastrukturunu hədəfə alır.
“Sizi Ərak və Xondab şəhərləri ətrafında müəyyən edilmiş ərazini mümkün qədər tez tərk etməyə çağırırıq. Bu ərazidə olmanız həyatınızı ciddi təhlükə altında qoyur”, – bəyanatda deyilir.
Bəyanatı müşaiyət edən peyk təsvirində İranın Ərakdakı nüvə kompleksinin yeri ilə üst-üstə düşən ərazinin ətrafında qırmızı dairə göstərilir. Bu obyekt uzun müddətdir ki, Qərb ölkələrinin narahatçılığına səbəb olub, çünki ağır sudan (deyterium oksidi) nüvə silahı yaratmaq üçün alternativ yol olan plutonium istehsal etmək olar.
