Ötən gecə İsrail İranın paytaxtı Tehranda mühüm hərbi, sənaye və tədqiqat obyektlərinə bir sıra hava zərbələri endirib.
"Unikal" xəbər verir ki, bu barədə İsrail Müdafiə Qüvvələri (IDF) məlumat yayıb.
Departamentin məlumatına görə, əməliyyatda İsrail Hərbi Hava Qüvvələrinin 60-dan çox qırıcısı iştirak edib. Ümumilikdə 120-yə yaxın sursat istifadə olunub. Zərbələr İsrail hərbi kəşfiyyatının əldə etdiyi əvvəllər kəşf edilmiş koordinatlar üzrə həyata keçirilib.
Vurulan hədəflər arasında raket komponentləri və mühərriklərin istehsalı üçün istifadə olunan materiallar istehsal edən obyektlər də olub. Bu sənaye kompleksləri illərdir İran Müdafiə Nazirliyinin maraqları çərçivəsində fəaliyyət göstərir.
