Xarici istirahət bu günlərdə daha çox yayılıb və təcrübə göstərir ki, turistlərin çoxu aeroportda nəzarətdən keçməyin və təyyarədə olarkən nəyin icazə verildiyinin incəliklərini başa düşmür.
HİT.az xəbər verir ki, bunu "Express" yazıb.
İndi turizm şirkətində çalışan keçmiş stüardessa Kim Deller, müştərilərinə, o cümlədən təyyarədə necə davranmalı olduqlarını izah edir. Uçuş zamanı ciddi şəkildə tövsiyə edilməyən işlər bunlardır:
Ayaqları oturacağın üstünə qoymaq: Keçmiş stüardessanın sözlərinə görə, sərnişinlərin edə biləcəyi "ən pis şey" budur: "Bu qeyri-higiyenikdir, lazımsızdır, nəzakətsizlikdir və digər sərnişinlərə tam hörmətsizlikdir".
Ayaqqabı və corabları çıxarmaq: Qadın deyir ki, təyyarədə belə davranış tamamilə qadağandır.
Qadcetlərdən yüksək səs səviyyəsində istifadə etmək: "Başqa bir çox əsəbləndirici davranış, qulaqlıq olmadan gadgetlar və ya cihazlardan istifadə etməkdir. Siz kiçik bir məkandasınız və hamı sizi eşidir", deyə keçmiş stüardessa qeyd edir.
Təhlükəsizlik təlimatı verilərkən danışmaq: Hətta təyyarədə ilk dəfə olmasanız və yeni bir şey eşitməyəcəyinizi düşünsəniz belə, uçuşdan əvvəl stüardessadan təlimat dinləmək istəyən digər sərnişinlərə mane olmayın.
Təyyarə yerə toxunan kimi dərhal ayağa qalxmaq: Kim Deller izah edir: "Təyyarə tamamilə dayanana qədər enişə hazırlaşmaq üçün tələsməyə heç bir ehtiyac yoxdur. Əgər baqajınız baqaj bölməsindədirsə, o, konveyerdə bir müddət sonra görünəcək, ona görə də təyyarədən birinci çıxmağa çalışmağın mənası yoxdur".
Arxadakı sərnişindən soruşmadan oturacağın arxasını geri salmaq: Çoxlu insan arxalarında oturan sərnişindən soruşmadan oturacağın arxasını geri salır. Lakin bu sadə nəzakətdir - əvvəlcə bu hərəkətinizlə arxanızdakı insana problem yaratmayacağınıza əmin olun.
Samir
