BAKI, 22 iyun. TELEQRAF
İranın Səhiyyə Nazirliyi ölkənin nüvə obyektlərinə ABŞ-nin zərbələri nəticəsində yaralıların olduğunu təsdiqləyir, lakin onların heç birində radioaktiv şüalanma əlamətləri aşkar etməyib.
Teleqraf xəbər verir ki, bu barədə Nazirliyin sözçüsü Hüseyn Kermanpur “X” sosial şəbəkəsində yazıb.
"İllərdir Səhiyyə Nazirliyi nüvə obyektlərinə ən yaxın tibb müəssisələrində fövqəladə hallar üzrə bölmələr yaradıb. Xoşbəxtlikdən, ABŞ-nin bombardmanından sonra bu mərkəzlərə köçürülən yaralıların heç birində radioaktiv şülanma əlamətləri aşkar edilməyib", - paylaşımda deyilir.
