İsrailin baş naziri Benyamin Netanyahu keçirdiyi mətbuat konfransında deyib ki, İsrail İrandakı məqsədlərinə çatmağa “çox yaxındır”. Vətəninfo.az xəbər verir ki, bu barədə TASS agentliyi məlumat yayıb .
“Bu, bizi məhv etmək istəyən bir rejimdir və buna görə də mövcudluğumuz üçün iki xüsusi təhlükəni aradan qaldırmaq üçün əməliyyata başladıq: nüvə təhlükəsi və ballistik raket təhlükəsi. Biz bu məqsədlərə çatmaq istiqamətində addım-addım irəliləyirik, onlara nail olmağa çox yaxınıq”, – Netanyahu bildirib.
Baş nazirin sözlərinə görə, İsrail “təmizləmə müharibəsinə girməyəcək”, lakin “bütün məqsədlərinə çatana qədər bu tarixi əməliyyatı dayandırmayacaq”.
“İranda məqsədlərimizə çatdıqdan sonra, lazım olandan artıq davam etməyəcəyik, lakin əməliyyatı tezliklə dayandırmayacağıq. “Biz artıq çox şeyə nail olmuşuq və indi prezident Trampın köməyi ilə hədəflərimizə çatmağa daha da yaxınıq”.
ABŞ iyunun 22-də İranın nüvə obyektlərinə zərbə endirərək, İsraillə İran arasında bir həftədən artıqdır davam edən münaqişəyə müdaxilə etmək qərarına gəlib. İran cavab vermək hüququna malik olduğunu bəyan edib.
