Fransanın "Lill" klubunun yarımmüdafiəçisi Arnar Haraldsson karyerasını İtaliyada davam etdirə bilər.
Fanat.Az "Leggo"ya istinadən xəbər verir ki, islandiyalı futbolçunun xidmətində "Roma" maraqlıdır.
Mənbə paytaxt təmsilçisinin rəhbərliyinin 22 yaşlı Arnarın komandanın aparıcı oyunçularından birinə çevriləcəyinə əmin olduğunu vurğulayıb.
Qeyd edək ki, Haraldsson geridə qalan mövsümdə "Lill"in forması ilə bütün turnirlərdə 38 matça çıxaraq 8 qol və 4 məhsuldar ötürmə ilə yadda qalıb. Onun "doqlar"la müqaviləsinin müddəti 2028-ci ilin yayına qədər nəzərdə tutulub. "Transfermarkt" portalı sözügedən futbolçunun transfer qiymətini 18 milyon avro ilə dəyərləndirir.
Nihat
