...Putinlə görüşmək üçün Moskvaya gələn İranın xarici işlər naziri Abbas Əraqçi ona ali dini lider Ayətullah Əli Xameneinin ABŞ-ın nüvə obyektlərinə zərbələrindən sonra Tehrana dəstək verməsini xahiş edən məktubunu təqdim edəcək.
SİA-nın məlumatına görə, Reuters bunu mənbələrə istinadən xəbər verir....Həmsöhbətlərin fikrincə, İran tərəfi davam edən İsrail əməliyyatı və Amerikanın zərbəsi kontekstində Rusiyanın dəstəyindən “hələ heyran deyil” və Putinin “daha çox iş görməsini” istəyir(?).
Qeyd edək ki, Tehranın hansı yardıma ümid etdiyini dəqiqləşdirməyiblər.
Rusiya prezidentinin mətbuat katibi Dmitri Peskov jurnalistlərə deyib ki, Putin və Əraqçinin danışıqlarının mövzusu “son dərəcə aydındır”.
Rusiyanın İran üçün nə etməyə hazır olduğu sualına o, belə cavab verib: “Hər şey İranın nəyə ehtiyacı olmasından asılıdır”.
Əli Babayev
