Rusiya prezidenti Vladimir Putin müdafiə xərclərini kəskin şəkildə artırmağa başlayan Avropa İttifaqı (Aİ) timsalında “nəhəngi oyandırdı”.
Herbiand.az bildirir ki, bunu Polşanın xarici işlər naziri Radoslav Sikorski YouTube-da yayımlanan NATO Public Forum zamanı deyib.
"Putin nəhəngi oyandırdı, biz [Avropa ölkələri] real pul xərcləməyə başladıq. Söhbət milyardlardan və milyardlardan gedir. Bir neçə ildən sonra Rusiya elə vəziyyətə düşəcək ki, 1980-ci illərdə SSRİ-də olduğu kimi, bizim xərclərimizə bərabər olmaq onun üçün çətin olacaq”, - XİN rəhbəri bildirib.
Sikorski vurğulayıb ki, söhbət simvolik məbləğlərdən yox, müdafiəyə ciddi investisiyalardan gedir.
Bəxtiyar CƏFƏRLİ
