"Bakı şəhəri, Yasamal rayonu, C.Cabbarlı adına "Azərbaycanfilm" kinostudiyasının ərazisində baş vermiş yanğın nəticəsində xəsarət alan olmayıb".
Manset.az xəbər verir ki, bunu jurnalistlərə açıqlamasında Fövqəladə Hallar Nazirliyinin Dövlət Yanğından Mühafizə Xidmətinin rəis müavini, polkovnik Taleh Babayev bildirib.
"Ərazidə baş verən yanğın hadisəsi qısa müddətdə məhdudlaşdırılaraq söndürülüb. Hazırda heç bir yanğın hadisəsi yoxdur".
O əlavə edib ki, yanğının konkret hansı səbəbdən baş verdiyi dəqiqləşdirilir.
