Rusiya İsveçlə nüvə sazişini ləğv edib

AzVision.az xəbər verir ki, sərəncam iyunun 24-də imzalanıb, lakin o, yalnız iyunun 27-də hüquqi aktlar portalında dərc olunub.

Mixail Mişustin həmçinin Rusiya Xarici İşlər Nazirliyinə müqavilənin ləğvi barədə İsveçi xəbərdar etməyi tapşırıb.

Nüvə qurğularına dair hökumət sazişi 1988-ci ildə imzalanıb. Moskva və Stokholm ən azı ildə bir dəfə öz nüvə qurğularının fəaliyyəti haqqında məlumat ötürmək və lazım gələrsə, birgə məsləhətləşmələr aparmaq barədə razılığa gəliblər.

Sənəd həmçinin onları nüvə qəzaları barədə bir-birini dərhal xəbərdar etməyə məcbur edirdi.

AzVision.az