Azərbaycanda qadınların liderlik sahəsində iştirakının artırılması gündəmdədir

LAÇIN, 2 iyul. TELEQRAF

“Azərbaycan regionda lider dövlətdir və bu liderliyin əldə olunmasında birmənalı şəkildə qadınların çox böyük rolu var”.

Teleqraf-ın Laçına ezam olunmuş əməkdaşı xəbər verir ki, bunu Ailə, Qadın və Uşaq Problemləri üzrə Dövlət Komitəsinin sədri Bahar Muradova Laçında keçirilən ECO Qadınlar Forumu zamanı jurnalistlərə açıqlamasında deyib.

Komitə sədri bildirib ki, qadınların bu sahədə iştirakının artırılması gündəmdədir:

"Biz bu inkişaf üzərindən daha çevik bir dönəmə, yeniliklərlə zəngin mərhələyə daha güclü qadınlarla, vətəndaşlarla daxil olmalıyıq. Bu baxımdan belə forumların keçirilməsi çoz faydalıdır".